Мутахассиси хорватӣ Иван Юрич сармураббии нави тими “Рома”-и Италия мешавад. Дар ин бора рӯзноманигор Николо Скира дар шабакаи иҷтимоии X (собиқ Twitter) хабар додааст.

Ба иттилои манбаъ, шартномаи мураббӣ бо клуб то моҳи июни соли 2025 давом мекунад ва агар дастаи «Рома» ба Лигаи чемпионҳо баромада тавонад, онро автоматӣ тамдид кардан мумкин аст.

Рӯзи 18 сентябр бошгоҳи итолиёвӣ аз барканоршавии сармураббӣ Даниэле Де Росси хабар дод. Дастаи «Рома» дар ҷадвали чемпионати Италия, дар мавсими 2024/2025, дар ҷои 16-ум қарор дорад. Бошгоҳ дар чор вохурй се хол гирифт.

Ҷои кори қаблии Иван Юричи 49-сола дастаи шаҳри Турини Италия буд.