Ҳамлагари тими мунтахаби Уругвай аз анҷоми корномаи футболбозияш дар тими миллӣ хабар дод. Дар ин бора худи футболбоз ҳарф зада, ашкашро дошта натавонист.
Суарес аз соли 2007 дар тими миллии Уругвай бозӣ мекунад. Дар ин муддат ҳамлагар дар ҳайати мунтахаби кишвар 142 бозӣ анҷом дода, дар он 69 гол задааст ва беҳтарин нишонзан дар таърихи даста мебошад. Дар ҳайати тими миллии Уругвай футболбоз дар соли 2011 Ҷоми Амрикоро ба даст овардааст.
Дар Ҷоми Амрико-2024 Суарес якҷоя бо тими миллии Уругвай ба даври нимниҳоии ин мусобиқа роҳ ёфт ва дар он аз тими миллии Колумбия шикаст хӯрд (0:1). Дар вохӯрӣ барои ҷои сеюм мунтахаби Уругвай бар тими миллии Канада пирӯз шуд (аз рӯи пеналтӣ 2:2, 4:3). Дар ин мусобиқот Суарес дар чаҳор бозӣ ширкат карда, як гол задааст.