Дарвозабони дастаи “Астон Вилла” ва тими мунтахаби Аргентина Эмилиано Мартинес бовар дорад, ки дастаи шаҳри Бирмингем таҳти сарварии Унаи Эмери метавонад дар мавсими 2024/2025 ба финали Лигаи Чемпионҳо роҳ ёбад.
«Бо назардошти ҳунару маҳорати мураббии мо, ҳа. Вай дар даври нимниҳоии Лигаи Чемпионҳо бо дастаи «Вилярреал» баромад кард. Вай чор маротиба дар Лигаи Аврупо ғолиб омад. Дастаи “Астон Вилла” аввалин маротиба ба ЛЧ роҳхат гирифт. Ҳамроҳи мураббӣ ва бозингарони худ мо метавонем ба финал бирасем», - иқтибос овардааст нашрияи интернетии бритониёии The Guardian аз суханони Мартинес.
Ёдовар мешавем, ки тобистони имсол дарвозабони тими миллии Аргентина Эмилиано Мартинес бо бошгоҳи Астон Вилла шартномаи нави дарозмуддат ба имзо расонд. Дарвозабони Ҷоми ҷаҳонии 2022 будубоши худро дар Вилла Парк то соли 2029 тамдид кард. Дар Ҷоми Ҷаҳон Мартинес бо иғвогариҳои худ ба ҳарифон ҳангоми зарбаҳои ҷаримавӣ ёдовар шуд.