Ҳамлагари «Бавария»-и Мюнхен Ҳарри Кейн «Кафши тиллоӣ»-ро соҳиб шуд. Ӯ дар охири мавсими гузашта, беҳтарин нишонзан дар байни тамоми чемпионатҳои Аврупо гардид. Ҳамлагари англис дар Бундеслига 36 гол задааст.
Ёдовар мешавем, ки Кейни 31-сола моҳи августи соли 2023 аз дастаи “Тоттенҳэм”-и Лондон ба “Бавария” гузашт, маблағи интиқол 95 миллион евроро ташкил дод, ки дар ҳама мусобиқаҳо дар мавсими 2023/2024 форвард дар ҳайати дастаи олмонӣ 45 бозӣ анҷом додааст. Дар “Бавария” ба задани 44 гол даст ёфта, 12 маротибаи дигар ассист анҷом додааст.
Дар охири мавсими гузашта "Бавария" ягон ҷоиза ба даст наовард. Дар ҳайати тими миллии Англия Ҳарри Кейн ба финали Чемпионати Аврупо-2024 роҳ ёфт.Дар ин бозӣ тими миллии Испания пирӯз шуд.