Журналист Флориан Плеттенберг мегӯяд, ҳамлагари "Тоттенхэм" Ҳарри Кейн ба "Бавария" гузаштан наздик аст. Ба иттилои манбаъ, бошгоҳи шаҳри Мюнхен дар бораи интиқоли ҳамлагари англисии 30-сола розӣ шудааст. Арзиши гузариш 100 миллион евро бо иловаи бонусҳо арзёбӣ мешавад. Дар мавсими 2022/23 Кейн дар ҳайати лондониҳо 49 бозӣ карда, ба задани 32 гол ва 5 партофти головар даст ёфтааст. Шартномаи ҳамлагар бо бошгоҳи “Тоттенхэм” тобистони оянда ба охир мерасад.