Имрӯз, 22-юми июн, дар доираи рӯзи ҳаштуми бозиҳои Чемпионати Аврупо-2024  баргузории се бозӣ дар назар аст: нахуст дастаҳои узви гурӯҳи F - Гурҷистон бо Чехия ва Туркия бо Португалия бозӣ мекунанд.  Баъдан рақобатҳои гурӯҳи «Е» доир мешаванд, ки дар доираи он Белгия бо Руминия вомехӯрад.
Тақвими бозиҳои Евро-2024 барои 22 июн:
Гурҷистон – Чехия. 18:00 ба вақти Душанбе;
Рақобатҳое, ки дар ТВ “Футбол” намоиш дода мешаванд:
Туркия - Португалия. 21:00 ба вақти Душанбе;
Белгия - Руминия. 00:00 бо вақти Душанбе.
Бозиҳои мусобиқаро 10 варзишгоҳи 10 шаҳр баргузор мекунанд. Чемпионати қитъавӣ расо як моҳ — то 14-уми июл  давом мекунад.  
Ғолиби феълии қаҳрамонии Аврупо тими Итолия аст, ки дар бозии ниҳоии Евро-2020 дар варзишгоҳи Уэмбли Лондон бар тими миллии Англия пирӯз шуда буд. Тақдири он бозии финалӣ дар серияи пеналтӣ ҳал шуда буд.