Сармураббии тими миллии Тоҷикистон Петр Сегрт ва бозигарони тими миллӣ Аҳтам Назаров, Рустам Ятимов, Эҳсони Панҷшанбе ва Шервонӣ Мабатшоев имрӯз меҳмони шабакаи телевизионии «Сафина» шуда, оид ба таассуроти худ аз Ҷоми Осиё-2023 дар Доҳа гуфтанд. Мунтахаби Тоҷикистон дар аввалин баромади худ дар Ҷоми Осиё-2023 натиҷаи назаррас ба даст оварда, ба марҳилаи чорякниҳоӣ роҳ ёфт ва ба ҳаштгонаи беҳтаринҳои қитъа шомил шуд.