АМИРБЕК ҶӮРАБОЕВ БА ДАСТАИ «КЕДАХ»-И МАЛАЙЗИЯ ГУЗАШТ
Нимҳимоятгари тими миллии Тоҷикистон Амирбек Ҷӯрабоев фаъолияти худро дар бошгоҳи футболи «Кедах»-и Суперлигаи Малайзия идома медиҳад.
Охирин бошгоҳи Амирбек Ҷӯрабоев бошгоҳи «Юнайтед Сити»-и Филиппин буд.
Мавсими нави Суперлигаи Малайзия аввали моҳи марти соли 2023 оғоз мешавад.
Қобили зикр аст, ки Амирбек Ҷӯрабоев аз соли 2014 дар ҳайати тими миллии Тоҷикистон бозӣ мекунад. Дар ин муддат ӯ дар ҳайати мунтахаби кишвар 46 бозӣ анҷом додааст.
