Ҳамлагари "Манчестер Юнайтед" ва мунтахаби Португалия - Криштиану Роналду дар бораи муносибати худ бо нишонзани ПСЖ ва мунтахаби Аргентина - Лионел Месси назари худро баён намуд. 
«Ману Лионел муносибати хуб дорем. Ман гуфта наметавонам, ки мо дӯстем. Барои ман дӯст он аст, ки ба хонаат меояд ва шумо бо ӯ ҳар вақте, ки хостед занг мезанед. Бо Месси ин тавр нест. Мо бештар ба ҳамкор монандем.
Ман ӯро хеле эҳтиром мекунам, зеро ӯ ҳамеша дар бораи ман назари худро баён мекунад. Вай як марди олӣ аст, ки барои футбол корҳои бузург мекунад" гуфтаст - Роналду дар мусоҳиба бо Пирс Морган.