Ҳамлагари "Манчестер Юнайтед" Криштиану Роналду фикру андешаҳои худро бобати сармураббии "девҳои сурх" Эрик тен Ҳаг зикр намуд.
"Тен Ҳаг? Ман ба ӯ эҳтиром надорам, зеро ӯ маро эҳтиром намекунад. Агар ту маро эҳтиром накунӣ, ман ҳам ҳамин тавр ҷавоб медиҳам», — иқтибос меорад аз суханони Роналду The Sun.
Ёдовар мешавем, ки Тен Ҳаг расман роҳбарии “Манчестер Юнайтед”-ро 1 июли соли 2022 ба ӯҳда гирифт. Зери роҳбарии ӯ даста дар тамоми мусобиқаҳо 21 бозии расмӣ гузаронида, дар 14 ғалаба, панҷ бохт ва ду маротиба мусовӣ анҷом додааст.