Тибқи иттилои COPE, "Барселона" намехоҳад, ки сармураббӣ Хавиро пас аз нокомӣ дар Лигаи Чемпионҳо барканор кунад.
Ба гуфтаи манбаъ, Хави дар "Барселона" дастнорас аст. Клуб интизор дорад, ки дар оянда ба комёбиҳо ноил шавад ва даста бо роҳбарии мутахассиси испанӣ фаъолияти худро идома медиҳад.
Ёдовар мешавем, ки дар даври 5-ум «Барселона» аз «Бавария» бо ҳисоби 0:3 шикаст хӯрд. Қаблан «Интер» бар «Виктория» ғалаба кард ва каталонияҳоро аз шонси ба плей-офф баромадан дар ин мусобиқа маҳрум кард. «Барселона» дар зери роҳбарии Хави барои дуввумин бор пайиҳам ба марҳилаи плей-оффи Лигаи Чемпионҳо роҳ ёфта натавонист.
