Ниммуҳофизатгари  «Челси» Н'Голо Канте аз сабаби осеби зонуяш ба мушкилии ҷиддӣ дуҷор омадааст. Канте бори дуюм аст, ки осеб мегирад ва ин омил боисшуда, ки ӯ вақти бештарро бояд барои табобат сипарӣ созад. Н'Голо Канте бояд чанд ҳафтаи дигар ба муолиҷа машғул шавад ва гуфта мешавад, ки ӯ то Ҷоми ҷаҳонии футбол дар Қатар сиҳат намешавад. Сармураббии мунтахаби Фаронса Дидйе Дешам бояд 9-уми ноябр рӯйхати бозигарони худро барои Ҷоми ҷаҳон-2022 пешниҳод кунад. Канте бори охир 14-ум август ба майдон баромада буд. «Челси» нияти тамдиди шартнома бо Н'Голо Кантеро надорад, ҳарчанд шартномаи амалкунанда дар охири мавсими солҳои 2022/2023 ба охир мерасад. Яке аз далелҳои бошгоҳи лондонӣ осеби нимҳимоятгар будааст.  Дар айни замон футболбоз дар мавсими солҳои 2022/2023 ҳамагӣ ду бозӣ анҷом додааст.