Ҳамлагари "Ливерпул" - Муҳаммад Салоҳ дар шаш дақиқа се гол зада, рекорди Лигаи Чемпионҳоро аз нав кард.
Ин ҷавони 30-солаи мисрӣ дар бозии даври 4-уми сабқати гурӯҳӣ бо «Рейнҷерс» дар ҳоле ба майдон баромад, ки дастааш бо ҳисоби 3:1 пешсаф буд. Дар зарфи 6 дақиқаю 12 сония Салоҳ тавонист ба дарвозаи рақибон се гол занад. Вохӯрӣ бо ҳисоби ниҳоии 7:1 ба фоидаи "Ливерпул" анҷом ёфт.
Бояд гуфт, ки дастоварди қаблӣ ба ҳамлагари собиқи «Лион» Бафетимби Гомис тааллуқ дошт, ки соли 2011 дар бозӣ бо «Динамо»-и Загреб (7:1) дар ҳашт дақиқа се гол зада буд.
Дар бозиҳои гурӯҳии Лигаи Чемпионҳо, Салоҳ дар чаҳор бозӣ панҷ гол задааст.