«Манчестер Юнайтед»  ба Криштиану Роналду  ултиматум монд

Ба иттилои Manchester Evening News, "Манчестер Юнайтед" ба ҳамлагари португалии худ Криштиану Роналду дархост фиристодааст. Роҳбарон мехоҳанд бидонанд, ки бозигар, ки ҳанӯз дар ватани худ аст ва мустақилона худро дар  формаи ҷисмонӣ нигоҳ медорад, кай ба клуб бармегардад. «Манчестер Юнайтед» сафари осиёиашро анҷом дод ва акнун даста рӯзи сешанбе барои бозии дӯстона бо "Атлетико Мадрид"  омодагӣ мебинад. Агар Роналду ба сафи "МЮ"  наояд, пас ӯ ба дархост барои бозии даври 1-уми Премйер Лига бо "Брайтон", ки 7 август дар назар аст, ворид карда намешавад.