Дар Варзишгоҳи марказии шаҳри Душанбе бозиҳои даври 5-уми  нахустин чемпионати Ассотсиатсияи футболи Осиёи Марказӣ миёни дастаҳои занона баргузор шуданд. Футболбозбонувони Ӯзбекистон пас аз шикаст додани ҳамтоёни хеш аз Эрон шумораи имтиёзҳояшонро ба 12 адад расонида, дар садри ҷадвали мусобиқа қарор гирифтанд ва нишонҳои тиллои Ҷоми мусобиқаро ба даст оварданд. Футболбозбонувони мунтахаби Эрон барандаи нишони нуқра ва мунтахаби Қирғизистон барандаи нишони биринҷӣ шуданд. Тоҷикистон дар ин мусобиқа бидуни ғалаба панҷум шуд.