Ҳуҷумкунандаи дастаи “Манчестер Сити” Раҳим Стерлинг ба дастаи “Челси”-и шаҳри Лондон гузариш кард. Маблағи гузариш 45 млн евроро ташкил медиҳад. Дар ин бора The Telegraph хабар додааст.
Стерлинг яке аз бозигарони гаронарзиштарин дар дастаи Лондон хоҳад буд.
Қаблан хабар дода шуда буд, ки бошгоҳи Манчестер мехоҳад барои футболбози 27-сола 55-60 миллион евро бигирад, музокирот идома дорад.
Стерлинги 27 сола аз соли 2015 дар ҳайати “шаҳриҳо” майдондорӣ мекунад. Мавсими гузашта футболбози англис дар 47 бозӣ дар ҳайати “Манчестер сити” ба майдон баромада, дар ҳисобаш 17 гол ва 9 ирсоли головар дорад.