«Истиқлол» бо ду легионер хайрухуш кард.
Бошгоҳи футболи «Истиқлол»-и Душанбе тасмим гирифт, ки аз ду легионери ҳайати феълӣ ҷудо шавад.
Қаҳрамони чандинкаратаи кишвар «Истиқлол»-и Душанбе тасмим гирифт, ки бо ду бозигари даста шартномаашро тамдид накунад. Баъди ба охир расидани шартномаҳо дастаро ҳимоятгар Никита Чичерин ва нимҳимоятгар Муҳаммад Исоев тарк карданд. Клуби футболи «Истиқлол» ба Никита ва Муҳаммад барои бозиашон дар ҳайати даста самимона ташаккур гуфта, ба онҳо дар фаъолияти ояндаи футболиашон муваффақиятҳои калон орзу менамояд!
