Ҳарри Кейн аз рӯи суръат  дар тими миллӣ аз Месси ва Роналду пеш гузашт.

Мунтахаби Олмон дар бозии даври дуюми гурӯҳи А3-и Лигаи миллатҳо бо тими миллии Англия мусовӣ (1:1) кард. Ҳерри Кейн голи 50-уми худро дар ҳайати мунтахабаш ба самар расонид.

Ба иттилои Opta, Кейн 72-юмин бозигар дар таърихи футболи ҷаҳонӣ гардид, ки дар ҳайати тими миллӣ 50 гол задааст. Гузашта аз ин, барои ноил шудан ба ин нишондод ба ӯ ҳамагӣ 71 бозӣ лозим шуд, дар ҳоле ки машҳуртару унвондортаринҳо мисли  Криштиану Роналду ва Лионел Месси барои ин натиҷа бозиҳои бештарро ба кор бурданд. Португалиягӣ голи 50-уми худро дар бозии 114-ум  зад ва аргентинӣ бошад, дар  107-умин дидор ба ин нишондод расид.