Қисмати ниҳоии мусобиқаи ҷумҳуриявии «Тӯби чармин» байни кӯдакони солҳои таваллудашон 2008-2009 бо пирӯзии мактаби миёнаи рақами 64-и шаҳри Душанбе анҷом ёфт.
Дар финал дастаи мактаби миёнаи №64-и пойтахт дар силсилазарбаҳои 11 метра бо ҳисоби 5:4 бар гимназияи Шораҷабови шаҳри Истаравшан (вақти асосӣ – 2:2) ғолиб омад.
Дар вохӯрӣ барои ҷои сеюм бачаҳои мактаби миёнаи рақами 3-и Шаҳринав аз рӯи зарбаҳои пеналтӣ (3:2) бар дастаи гимназияи рақами 4-и шаҳри Хуҷанд ғолиб омаданд.
Дар маросими пӯшидашавии мусобиқа ғолибону ҷоизадорон, бехтарин бозингарон бо ҷом, диплом, медал ва мукофотхо қадрдонӣ шуданд.
