Раҳбарияти дастаи «Тоттенҳэм» кӯшиш мекунад, ки мутахассиси итолиёвӣ Антонио Контеро ба ҷои Нуну Санту даъват созад.  
Конте дар рӯйхати номзадҳо барои мураббии нави даста дар зинаи аввал қарор дорад. Охирин клуби Конте «Интер» буд. мураббии маъруфи итолёвӣ аз соли 2019 то 2021 дастаро сарварӣ кардааст. Бо «Интер» Антонио қаҳрамони Италия шуд. Рӯзи 26-уми майи соли 2021, Конте ва клуб бо мувофиқаи тарафайн шартномаро қатъ карданд. Дастаи лондонӣ мутахассиси португалӣ - Нуну Эшпириту Сантуро баъд аз чор моҳи роҳбариаш аз мақомаш барканор намуд.