Бо ташаббуси президенти Федератсияи футболи Тоҷикистон Рустами Эмомалӣ дар Хоруғ боз як майдончаи футбол сохта ба истифода дода шуд.
Ҳадафи ифтитоҳи ин майдонча ба таблиғи тарзи ҳаёти солим ва ҷалби кӯдакону наврасони шаҳр ба футбол равона шудааст.
Дар маросими ифтитоҳ ва ба истифода додани майдони нави футболи хурд роҳбарияти Вилояти Мухтори Кӯҳистони Бадахшон ва шаҳри Хоруғ, намояндагони ФФТ иштирок намуданд.
Раиси ВМКБ Ёдгор Файзов ба Федератсияи футболи Тоҷикистон барои ибтикори бунёди як майдончаи дигари футбол дар Хоруғ ва саҳми арзанда дар рушд ва оммавии футбол дар кишвар изҳори миннатдорӣ кард.