Дастаи “Манчестер Юнайтед” барои ба даст овардани нимҳимоятгари “Милан” Франк Кессйе кӯшиш намуда истодааст. Ӯ варианти хубест баъди аз даста рафтани Пол Погба, хабар медиҳад Mundo Deportivo.
Дар мавсими 2020/2021 футболбози 24-сола 50 бозӣ гузаронида, ба задани 14 гол ва 6 партофти головар даст ёфтааст. Портали Transfermarkt Кессйеро 55 млн евро баҳо медиҳад.
Дар ҳоли ҳозир Кессйе дар мавриди тамдиди шартномааш бо “Милан” сухане нагуфтааст. Шартномаи ӯ бо даста тобистони соли 2022 хотима меёбад.
Шартномаи Погба ҳам тобистони 2022 ба анҷом мерасад ва тарафайн дар мавриди тамдиди шартнома кореро ба анҷом нарасонидаанд.