Имрӯз Тоҷикистонро як рӯйдоди таърихӣ интизор аст. Дар ин рӯз бошгоҳи "Истиқлол" дар марҳилаи 1/8 финалии Лигаи қаҳрамонҳои Осиё бо дастаи "Персеполис"-и Эрон рақобат мекунад. Дидори дастаҳо соати 20:00 дар Варзишгоҳи марказии шаҳри Душанбе доир мешавад. Маврид ба ёдоварист, ки дастаи тоҷикистонӣ нахустин бор дар таърих дар чунин марҳила ҳунарнамоӣ мекунад, ки ин боиси ифтихори ҳар як шаҳрванди Тоҷикистон мебошад. Ҳама якҷоя дастаи "Истиқлол"-ро дар ин бозии таърихӣ дастгирӣ мекунем.