Марҳилаи гурӯҳии мусобиқоти Ҷоми Амрико-2021 ба анҷом расид ва аз рӯйи натиҷаҳои он ҷуфтҳои марҳилаи чорякфиналӣ муайян карда шуданд. Ғолиби гурӯҳи “A” – тими мунтахаби Аргентина барои ба марҳилаи нимфиналӣ баромадан бо яккачини Эквадор рақобат мекунад. Тими миллии Бразилия, ки дар гурӯҳи «Б» садрнишин шуд, дар чорякфинал бо Чили бозӣ мекунад. Уругвай бо Колумбия вомехӯрад ва Перу бо тими миллии Парагвай қувва меозмояд. Баргузории бозиҳои марҳилаи ¼ ниҳоии  Ҷоми Амрико рӯзҳои 3-юм ва 4-уми июл ба нақша гирифта шудаанд.