Расман: Ғайраталӣ Мираҳмадов аз вазифаи сармураббии клуби футболи  "Равшан"-и Кӯлоб истеъфо дод.  Дар бораи рафтанаш аз ин мақом саҳифаи расмии дастаи футболи шаҳри Кӯлоб хабар додааст.   Ғайраталӣ Мираҳмадов солиёни дароз бо ин тим кор мекард ва дар мавсими гузашта Ҷоми Тоҷикистонро ба даст овард. Футболбозони "Равшан" таҳти роҳбарии ин мутахассиси маҳаллӣ медалҳои тиллои чемпионати Тоҷикистон миёни дастаҳои Лигаи якумро ба гардан овехта буданд. Ташаккур барои заҳматҳои кашидаат BOSS, омадааст дар саҳифаи расмии дастаи "Равшан".