Криштиану Роналду дар нишасти матбуотии қабл аз бозии Евро-2020 бо Венгрия аз шишаҳои Coca-Cola-и дар наздаш гузошта изҳори нороҳатӣ намуд. Футболбози португалӣ бо дастонаш шишаҳои Coca-Cola-ро як сӯ гузошта, танҳо обро гузошт.
Боиси ёддоварист, ки Роналду ҳеҷ гоҳ ширкатҳои Coca-Cola ва Pepsi – ро реклама накардааст. Боре ширкати Pepsi расми Роналдуро бидуни иҷозаи ӯ дар рекламаи худ истифода бурда, барои ин амалашон маҷбур шуданд аз футболбоз узрхоҳӣ намоянд. Ҳамзамон Роналду иқрор шуд, ки вақте фарзандашро дар ҳоли нӯшидани Coca-Cola ва ё хӯрдани чипси бинад, сахт нороҳат мешавад, чун ҳар ду барои бадани инсон зараровар маҳсуб мешаванд.