Дар доираи бозиҳои даври 32-юми чемпионати Португалия дастаи "Спортинг" дар майдони худ тими «Боавишту»-ро пазируфт. Ин вохӯрӣ, ки дар варзишгоҳи «Жозе Алваладе» доир гардид, бо ҳисоби 1 бар 0 ба суди мизбонон ба анҷом расид. Муаллифи голи ягонаи рақобат дар дақиқаи 36-ум Поулинйо гардид. Пас аз ин ғалаба "Спортинг" 82 имтиёз касб карда, қабл аз муҳлат унвони қаҳрамонии кишварро ба даст овард. Ин дастаи шаҳри Лиссабон бори охир дар мавсими 2001/2002 ҷоизаи мазкурро ба даст оварда буд. Дар таърихи худ "Спортинг" бори 19-ум медали тиллои чемпионати Португалияро ба даст овардааст.