Виктор Гончаренко тарки "ССКА"-и Москва намуд.
Мутахассиси белоруссӣ ва артишиҳо бо розигии тарафайн тасмим гирифтанд, ки ҳамкориро қатъ намоянд.
"Ташаккур, Михалич"- омадааст дар изҳороти хадамоти матбуотии бошгоҳи шаҳри Москва. Ёдовар мешавем, ки Виктор Гончаренко моҳи декабри соли 2016 роҳбарии ССКА-ро ба дӯш гирифта буд. Таҳти роҳбарии ин мутахассис "ССКА" дар 167 бозӣ 82 ғалаба ба даст оварда, соли 2018 Суперҷоми Россия-ро ба даст овардааст. 2 маротиба барандаи нишони нуқраи чемпионати Россия гардида, дар мавсими 2017-2018-и Лигаи Аврупо то марҳилаи ¼ ниҳоӣ роҳ ёфтааст. Дар ҳамон сол ССКА ду маротиба "Реал Мадрид"-ро дар марҳилаи гурӯҳии Лигаи чемпионҳо шикаст додааст.
Расонаҳо менависанд, ки Ивитса Олич ба ҷойи Гончаренко сармураббии нави ССКА таъйин мешавад.