Собиқ футболбози «Манчестер Юнайтед» ва мунтахаби Англия Уэйн Руни аз анҷоми корномаи касбии худ хабар дод. Рунии 35-сола аз моҳи ноябри соли 2020 ба ҳайси мураббии бозигар дар ҳайати тими «Дерби Каунти» фаъолият дошт. Акнун Уэйн ҳамчун сармураббии ин тим фаъолият мекунад. Дар мавсими ҷорӣ дар ҳайати “Дерби”, Руни 10 бозӣ гузаронида, 1 гол задааст. Уэйн Руни тӯли корномаи касбии худ инчунин дар дастаҳои "Эвертон", "Манчестер Юнайтед" ва "ДС Юнайтед" бозӣ кардааст. Дар ҳайати мунтахби Англия 120 бозӣ гузаронида, 53 гол задааст.
