Барканории Томас Тухел аз вазифаи сармураббии “Пари Сен-Жермен” кори “Реал Мадрид”-ро барои харидории Килиан Мбаппе мушкилтар мекунад. Тавре AS хабар медиҳад, футболбоз бо мутахассиси олмонӣ муносибати хуб надошт, аммо истеъфои ӯ ва даъвати Маурисио Почеттино шояд вазъиятро тағйир диҳад. Аз эҳтимол дур нест, ки Мбаппе шартномаи худро бо “ПСЖ” тамдид кунад. Ҳамлагари 22-сола мехоҳад, дар созишномаи нав ҳаҷми қарордодро дарҷ намояд, ки на камтар аз 250 миллион евроро дар бар мегирад. Аммо “Реал” намехоҳад бештар аз 180 миллион диҳад.