Дастаи маъруфи “Реал Мадрид” ҳанӯзам умед дорад, ки ҳамлагари мунтахаби Фаронса ва тими “Париж Сен-Жермен” Килиан Мбаппе дар ниҳоят бошгоҳи шоҳонаро интихоб мекунад. Мадридиҳо гузариши футболбози 21 соларо дар соли 2021 ба нақша гирифтаанд. ПСЖ низ дар навбати худ ба Мбаппе фишор меорад, то ӯ қарордодашро тамдид созад.
Шартномаи ин футболбози соҳибистеъдод бо дастаи ПСЖ то соли 2022 баста шудааст. Агар ҳамлагар қарордодашро тамдид созад, он вақт шонси “Реал” барои ба даст овардани ӯ камтар мешавад.