Сармураббии дастаи КМВА Сергей Житский аз вазифааш даст кашид. Таҳти роҳбарии ин мутахассиси украинӣ дастаи КМВА дар 29-умин мавсими чемпионати футболи Тоҷикистон аз 18 бозӣ – 8 ғалаба, 5 мусовӣ ва 5 бохт дошта, бо дарёфти 29 имтиёз медалҳои биринҷии чемпионатро соҳиб гардид. Албатта, дере нагузашта Хадамоти матбуоти бошгоҳи футболи КМВА-и Душанбе аз таъйини Алиёр Ашурмамадови 50-сола ба вазифаи сармураббии даста хабар дод. Алиёр Ашурмамадов, ки дар гузашта сармураббии мунтахаби ҷавононро ба уҳда дошт. Ҳамчунин дар мавсими 2012-2013 ба ҳайси сармураббии КМВА фаъолият кардааст ва дубора ба ин бошгоҳ баргашт. Ёдовар бояд шуд, ки Алиёр Ашурмамадов дар мавсими гузашта дастаи «Истаравшан»-ро роҳбарӣ мекард. Алиёр Ашурмамадов дастпарвари тими номдори "Помир Душанбе" ва 12 сол узви мунтахаби кишвар буда, фаъолияти мураббигарияшро аз соли 2008 оғоз карда аст.