Футболбози 22-солаи англис Трент Александр-Арнолд бинобар ҷароҳате, ки дар бозии даври 8-уми Премйер Лигаи Англия бо “Манчестер Сити” (1: 1) бардошт, то чор ҳафта ба майдон баромада наметавонад. Дар он бозӣ Александр-Арнолдро дар дақиқаи 63-юм нимҳимоятгари дигари “Ливерпул” - Ҷеймс Милнер иваз кард. Ҳамин тариқ ҳимоятгари ин тими футбол дар муқобили дастаҳои «Лестер», «Аталанта», «Брайтон», «Аякс», «Вулверҳэмптон» ва «Мидтюлланд» ба майдон баромада наметавонад. Ин футболбози 22-сола инчунин бозиҳои дӯстонаи Англияро бо тимҳои миллии Ирландия ва инчунин ду бозии Лигаи Миллатҳоро бо Белгия ва Исландияро низ аз даст медиҳад.