Чуноне, ки мо шоҳид шудем субҳи имрӯз, мунтахаби Бразилия бо шикаст додани яккачини Парагвай (4:3 аз пеналти) ба даври ½ ниҳоии Ҷоми Амрико-2019 роҳ ёфт. Рақиби бразилиҳо дар даври мазкур ғолиби ҷуфти Аргентина ва Венесуэла мебошад. Дар сурати пирӯзии Аргентина он гоҳ мо бозии ду беҳтарин мунтахаби қораи Амрикоро дар даври ½ ниҳоии Ҷоми Амрико-2019 хоҳем дид. Бозӣ байни тимҳои Аргентина ва Венесуэла имшаб соати 23:55 бо вақти Душанбе тавассути шабакаи телевизионии “Варзиш” мустақиман манзури тамошобинон карда мешавад.
