Нимҳимоятгари  мунтахаби Тоҷикистон оид ба футбол Фатҳулло Фатҳуллоев ба ҳайати дастаи наваш пайваст. Футболбози тоҷик бо дастаи “Ченнайин”-и Ҳиндустон шартнома баст.  Ин тим дар Суперлигаи Ҳиндустон  ҳунарнамоӣ карда, 2 маротиба ғолиби мусобиқот гаштааст. Муҳлати   қарордоди  Фатҳулло бо  дастаи наваш 6 моҳро дар бар мегирад. Ёдовар мешавем, ки Фатҳулло Фатҳуллоев  дар дастаи "Хуҷанд"  бозӣ мекард. Имсол ӯ бо  хуҷандиҳо барандаи нишонҳои нуқраи чемпионати Тоҷикистон гардид. Ҳамчунин ин футболбози бомаҳорат дар  ҳайати бошгоҳи “Истиқлол” чемпиони чандинкаратаи кишвар шудааст