«Ман бешубҳа ба ҳайси мураббӣ ба нафақа баромадам. Шояд ман ҳанӯз метавонам дар вазифаҳои дигар фойданок бошам. Аммо то баҳор чизе гуфта наметавонам», иқрор шудааст ин мутахассиси 72-сола. Липпи фаъолияти мураббигии худро соли 1982 оғоз намуда, мураббии дастаи ҷавонони “Сампдория” шуд. Ҳамчунин ӯ бо тимҳои “Сиена”, “Интер”, “Наполи”, “Аталанта” ва дигар клубҳои итолёвӣ мураббигӣ кардааст. Таҳти роҳбарии Липпи, дастаи мунтахаби Италия соли 2006 қаҳрамони ҷаҳон шуд. Бо “Ювентус” ӯ қаҳрамони Италия ва Лигаи чемпионҳоро ба даст овардааст. Таҳти роҳбарии Липпи мунтахаби Италия силсила ғалабаҳои бидуни бохти худро ба 31 бозӣ расонида буд. Бо "Гуанчжоу Эвергранд" ӯ се маротиба қаҳрамони Чин ва Лигаи чемпионҳои Осиёро ба даст овард. Липпи инчунин аз соли 2016 то 2019 бо тими миллии Чин кор кардааст.