Тавре қаблан хабар дода будем, ҳамлагари бошгоҳи "Ювентус" Криштиану Роналду ба бемории коронавирус гирифтор шудааст. Тибқи ин хабар ҳамлагари 35-солаи мунтахаби Португалия нишонаҳои ин бемориро дар худ эҳсос намекунад, аммо ташхисҳо нишон додаанд, ки ӯ инсони сироятёфта маҳсуб меёбад. Роналду дар бозии марҳилаи гурӯҳии Лигаи миллатҳои УЕФА бар муқобили Шведсия (3:0) дар Лиссабони Португалия, ширкат накард. Хабар дода мешавад, ки озмоиш барои COVID-19, ки аз ҷониби тими миллии Португалия субҳи сешанбе гузаронида шуд, ягон ҳолати дигари сироятро ошкор накард. Аз эҳтимол дур нест, ки Роналду баъди 10 рӯз ба майдон баргардад.