Сомонаи маъруфи “Transfermarkt” раддабандии гаронарзиштарин футболбозони Осиёро тартиб дод. Дар баробари кишварҳои дигари аъзои ин қора арзиши трансферии футболбозони мунтахаби Тоҷикистон низ мавриди омӯзиш қарор гирифтанд. Таҳлилҳо нишон доданд, ки миёни футболбозони тоҷик ниммуҳофизатгари дастаи “Локоматив” Пловдив-и Булғористон Парвизҷон Умарбоев бо нархи 600 ҳазор евро дар ҷойи якум қарор дорад. Ёдовар мешавем, ки ин сомона соли гузашта арзиши Парвизҷонро ба 500 ҳазор евро баробар карда буд.