Премйер Лигаи Англия дар сайти расмии худ рӯйхати номзадҳои ҷоизаро барои мураббии беҳтарини чемпиони Англия дар мавсими солҳои 2019/20 интишор кард.
Хосеп Гвардиола, ки бо «Манчестер Сити» барандаи нишони  нуқраи чемпионат шуд,  дар байни номзадҳои ҷоиза ҷойе наёфт.
Ба рӯйхат чор мутахассис дохил мешаванд: Юрген Клопп (Ливерпул), Фрэнк Лэмпард (Челси), Брендан Рожерс (Лестер Сити), Крис Уайлдер (Шеффилд Юнайтед).
Клопп “Ливерпул”-ро дар тӯли 30 соли охир ба қаҳрамонӣ расонид.  Ҳамзамон, даста дар 38 давр 99 хол ба даст оварда, рекорд  гузошт.