Дар даври нуҳуми чемпионати Тоҷикистон дастаи КМВА дар сафар бо ҳисоби 2 бар 1 тими “Истаравшан”-ро шикаст дод. Дар ин бозӣ аз ҳайати дастаи ғолиб голҳоро Шервони Мабатшоев дар дақиқаҳои 4-ум ва 12-уми дидор ба ҳадаф расонид. Ягона голи соҳибони майдонро Илҳом Баротов дар дақиқаи 70-ум тавассути иҷрои пеналтӣ зад. 
Дар дидорҳои дигари даври 9-уми чемпионат дастаҳои “Регар-ТадАЗ” ва “Хатлон” ғолибро муайян карда натавонистанд. Бозӣ бо ҳисоби 1 бар 1 хатм шуд. 
Дар ин давр дастаи “Куктош” бо ҳисоби 3 бар 1 бар “Файзканд” зафар ёфт.