Имрӯз 11-уми июл, Испания қаҳрамони ҷаҳон гардида буд. Аз ин рӯзи таърихӣ барои футболи Испания 10 сол сипарӣ шуд. Дар финал сурхпӯшон бар дастаи мунтахаби Нидерландия 1:0 ғолиб омаданд. Ягона голи тақдирсози ин бозиро Андрес Инйеста дар дақиқаи 116-ум ба ҳадаф расонид.
Испаниҳо мусобиқаро бо нокомӣ шуруъ намуданд. Испания аз Швейтсария (0:1) шикаст хурд. Баъдан бар мунтахабҳои Гондурас (2:0) ва Чили (2:1) зафар ёфт. Дар плей-офф мунтахабҳои  Португалия, Парагвай ва Олмон аз испаниҳо шикаст хурда буданд. 
Ин нахустин ғалабаи Испания дар Ҷоми Ҷаҳон маҳсуб мешавад.