Дастаи мунтахаби наврасони то 17 соли Тоҷикистон дар даври дуюми марҳилаи гурӯҳии Ҷоми Ҷаҳон-2019 дар Бразилия аз мунтахаби наврсони Испания бо ҳисоби 5:1 шикаст хӯрд. Новобаста аз бохт, шогирдони Зайниддин Раҳимов ҳанӯз низ имконияти баромадан ба марҳилаи 1/8 финали мусобиқаро доранд. Да бозии дигари гурӯҳи “Е” мунтахаби наврсони Аргентина бар Камерун бо ҳисоби 3:1 пирӯз шуданд.
Ба ин тартиб, пас аз ду даври мусобиқа дар гурӯҳи “Е”, мунтахабҳои наврасони Испания ва Аргентина, ки ҳар кадоме 4 имтиёзӣ доранд. Дастаи мунтахаби ҷавонони Тоҷикистонро бошад, барои ба бозиҳои плей-оффи мусобиқа баромадан дар бозии даври ҷамъбастии марҳилаи гурӯҳӣ муқобили Аргентина мусовӣ ҳам қаноат мекунонад.
Ин вохӯрӣ рӯзи якшанбе, 3 ноябр, соати 17:00 ба вақти маҳаллӣ (соати 01:00-и санаи 4-уми ноябр ба вақти Душанбе) дар варзишгоҳи «Estаdio Klеber Andrade» дар шаҳри Кариасики Бразилия оғоз меёбад.
Ёдрас мешавем, ки ба марҳилаи баъдии Ҷоми Ҷаҳон-2019 аз ҳар гурӯҳ ду дастаи мақомҳои аввалу дуюм, ҳамчунин чаҳор дастаи беҳтарини ҷойҳои севум роҳ пайдо мекунанд.
