Футболбози аргнтинӣ - Эвер Банега тобистон аз дастаи  «Севиля» ба тими «Ал-Шабоб»-и Арабистони Саудӣ мегузарад. Шартномаи ин футболбоз дар тими наваш се сол муҳлат хоҳад дошт. 
Тибқи иттилоъи Telefoot «Манчестер Юнайтед» талош мекунад,ки Каваниро аз чанги «Атлетико» рабояд. Новобаста аз ин то ҳол тими испанӣ дар харидории ҳамлавари мунтахаби Уругвай пештоз аст.
Ҷанлука ди Марсио бошад, дар хусуси ояндаи Сусо хабар медиҳад. Ин испанӣ тариқи иҷора  аз «Милан» ба «Севиля» барои наздик ба ду мавсим гузариш мекунад. Бошгоҳи Ла лига уҳдадор мешавад, ки ин нимҳимоятгарро дар сурати амаликунии шартҳои муайяни қарордод харидорӣ намояд.