Маркази байналмилалии тадқиқотии варзишӣ  CIES Football Observatory дар сомонаи расмии хеш арзиши қиматтарин футболбози сайёраро нашр кард. Мақоми аввалро дар ин феҳрист ҳамлагари тими «Пари Сен-Жермен» ва мунтахаби Фаронса - Килиан Мбаппе бо арзиши 265,2 млн € ишғол намуд.  Ба зинаи дуюм футболбози тими «Манчестер Сити» ва яккачини Англия - Раҳим Стерлинг бо арзиши  223,7 млн € баромад. Ба сегонаи гаронарзиштарин футболбозони ҷаҳон нишонзани бошгоҳи  «Ливерпул» ва тими миллии Миср Муҳаммад Салоҳ  бо 175,1 млн € шомил шуд.  Футболбозони маъруф ба мисоли Лионел Месси ва Криштиану Роналду арзиши худро дар равзанаи гузариш рӯз то рӯз гум мекунанд. Ҳамлагари аргентинӣ аз рӯи натиҷагирии маркази мазкур  125,5 млн  € арзиш дошта, мақоми 8-умро ишғол намудааст. Ситораи португалӣ бошад,  бо арзиши  80,3 млн   € ба зинаи 49-уми феҳрист фаромадааст. 
Феҳристи гаронарзиштаринҳо:
1. Килиан Мбаппе («Пари Сен-Жермен», Фаронса) – € 265,2 млн
2. Раҳим Стерлинг («Манчестер Сити», Англия) – € 223,7 млн
3. Муҳаммад Салоҳ («Ливерпуль», Египет) – € 175,1 млн
4. Ҷейдон Санчо («Боруссия» Дортмунд, Англия) – € 168,9 млн
5. Садио Мане («Ливерпул», Сенегал) – € 155,6 млн
6. Гарри Кейн («Тоттенхэм», Англия) – € 150,5 млн
7. Маркус Рашфорд («Манчестер Юнайтед», Англия) – € 134,3 млн
8. Лионел Месси («Барселона», Аргентина) – € 125,5 млн
9. Антуан Гризманн («Барселона», Фаронса) – € 123,6 млн
10. Лаутаро Мартинес («Интер», Аргентина) – € 115,7 млн.