Футболбози “Боруссия” Ашраф Ҳакимӣ дар рақобат бар муқобили дастаи Лейптсиг (3:3) рекорди нав дар таърихи Бундеслига гузошт. Дар яке аз ҳолатҳо муҳофизатгари 21 солаи марокашӣ суръати худро ба 36,2 км/ дар як соат тез кард, ки дар таърихи мусобиқоти мазкур бо чунин ҳаракати тирвор касе натиҷа нишон надода буд.
Ашраф Хакимӣ ба “Боруссия” аз “Реал” ҳамчун футболбози иҷора омадааст ва ӯ бояд то соли 2020 дар Дортмунд боқӣ монад. Дар баробари суръати тези доштааш футболбози марокашӣ дар Лигаи чемпионҳо ба дарвозаи Интер (3:2) ду гол ба самар расонид. Роҳбарияти “Боруссия” ҳадаф доранд, то барои як мавсими дигар ин муҳофизатгари марокашии “Реал”-ро дар Олмон нигоҳ доранд, вале мадридиҳо бошанд, бозгашти ӯро ба даста, бесаброна интизоранд.