Сармураббии бошгоҳи "Борнмут" Андони Ираола тасмим гирифт, ки бар ивази тими “Милан” ба "Кристал Пэлас" гузариш анҷом диҳад, хабар медиҳад La Gazzetta dello Sport.
Қаблан хабар дода шуда буд, ки "россонери" ба мураббии 43-солаи испанӣ шартномаи сесола ба маблағи 4 миллион евро дар як сол пешниҳод кардааст. Як рӯз пеш "Милан" дар Лондон бо Ираола мулоқоти махфӣ баргузор кард, то ҳама тафсилоти шартномаро муайян кунад.
Ба гуфтаи La Gazzetta dello Sport Ираола барои роҳбарияти бошгоҳи итолиёвӣ номзади афзалиятнок буд, аммо гузариши ӯ амалӣ намешавад. Гуфта мешавад, ки мутахассис аз дурнамои лоиҳа нобовар аст ва онро хеле норӯшан мешуморад - даста бояд аз сифр бо роҳбарияти нав ва бозигароне созмон дода шавад, ки ӯ қаблан ҳеҷ гоҳ роҳбарӣ накарда буд. 
Ираола тасмим гирифтааст, ки роҳбарии "Кристал Пэлас"-ро ба ӯҳда гирад ва эҳтимол дорад, ки оиди ин рӯзи панҷшанбе эълон шавад. Ӯ ҷойгузини Оливер Гласнер хоҳад шуд. Бошгоҳи шаҳри Лондон ба ӯ имкон медиҳад, ки идомаи кор дар Премер-лигаро идома диҳад ва инчунин бо буҷаи калон ба вориди бозори трансферӣ шавад. Гуфта мешавад, ки маблағи буҷавии трансферӣ бошгоҳе, ки дар ҷои 15-уми   Премер-лига қарор гирифт, се маротиба аз "Милан" зиёдтар аст.
Дар охири мавсими ҷорӣ Ираола "Борнмут"-ро, ки аз тобистони соли 2023 инҷониб роҳбарии онро ба ӯҳда дорад, тарк мекунад.