Тибқи иттилои расонаҳои Арабистони Саудӣ роҳбарияти бошгоҳи “Ал-Наср” ба бозигарон ва мураббӣ иҷозат надод, ки пеш  ва баъд аз бозии Про-лигаи Арабистони Саудӣ  зидди “Риёз” (1-0) дар минтақаи мусоҳибаи фаврӣ ҳузур дошта бошанд, хабар медиҳад нашрияи A Bola.
Арабистони Саудӣ -  Про-лига. Даври 20-ум
2 феврали соли 2026, Душанбе. 20:15 ДШБ
“Риёз” (Риёз) 0:1 “Ал-Наср” (Риёз)
0:1 Мане – 40'
На сармураббӣ Жорже Жезус ва на бозигарони ин бошгоҳи Арабистони Саудӣ пеш ва баъд аз бозӣ ӯҳдадориҳои маъмулии расонаҳои худро иҷро накарданд. Мураббии португалӣ барои мусоҳибаи анъанавии флеш пеш аз бозиҳои Про-Лигаи Арабистони Саудӣ ва на барои нишасти матбуотии пас аз бозӣ  зидди “Риёз” ҳозир нашуд. Расонаҳои Арабистони Саудӣ хабар медиҳанд, ки Жорже Жезус барои шарҳ надоданаш пас аз бозӣ узр пурсид.
Рад кардани роҳбарияти “Ал-Наср” аз баргузории нишасти матбуотӣ метавонад барои сармураббӣ беш аз 6700 евро ҷарима арзиш дошта бошад.
Ин дар ҳолест, ки ҳамлагари португалӣ Криштиану Роналду, ки аз фаъолияти бошгоҳӣ норозӣ аст ва аз иштирок дар бозӣ   бо “Риёз” худдорӣ карда буд.