Бошгоҳи лондонии “Арсенал”   бар “Астон Вилла” бо ҳисоби бузурги 4-1 пирӯз омада, ба силсилапирӯзиҳои рекордии ин тими шаҳри бирмингем иборат аз 11-бозӣ, ки яке аз беҳтарин рекордҳо дар таърихи даста мебошад, хотима бахшид.
Англия —Премер-лига. Даври 19-ум
31 декабри соли 2025, чоршанбе. 01:15 ДШБ
“Арсенал” (Лондон) 4:1 “Астон Вилла” (Бирмингем)
1:0 Магалянс – 48' 2:0 Субименди – 52' 3:0 Троссард – 69' 4:0 Хесус – 78' 4:1 Уоткинс – 90+4'
“Вилланҳо” қаблан танҳо ду маротиба - дар солҳои 1897 ва 1914 - натиҷаи ба ҳамин монанд дошта буд. Дар ҳарду маврид  дастаи шаҳри Бирмингем низ дар 11 бозии паиҳам пирӯз шуда буд.
Дастаи Унаи Эмери силсилапирӯзиҳои худро дар Лигаи Аврупо бо пирӯзии 2-0 бар “Маккаби Тел-Авив” дар даври 4-ум оғоз кард. Сипас онҳо “Борнмут”-ро бо ҳисоби 4-0 ва “Лидс Юнайтед”-ро бо ҳисоби 2-1 мағлуб карданд. Баъдан дастаи Бирмингем дар Лигаи Аврупо бар "Янг Бойз"  бо ҳисоби 2-1 пирӯз шуда, дар  Премер-Лигаи Англия бошад бар "Вулверхэмптон Уондерерс" бо ҳисоби 1-0, "Брайтон энд Хов Албион" бо ҳисоби 4-3 ва "Арсенал" бо ҳисоби 2-1 пирӯз гардид. Дар идома ин тим дар Лигаи Аврупо "Базел"-ро бо ҳисоби 2-1 шикаст дод ва дар  Премер-Лига бар "Вест Хэм Юнайтед" бо ҳисоби 3-2, "Манчестер Юнайтед" бо ҳисоби 2-1 ва "Челси" бо ҳисоби 2-1 пирӯзӣ ба даст овард.
Бошгоҳи “Астон Вилла” айни замон бо 39 имтиёз дар ҷадвали Премер-Лига дар ҷои сеюм қарор дорад. Онҳо инчунин бо 15 имтиёз дар ҷадвали марҳилаи умумии Лигаи Аврупо дар ҷои сеюм мебошанд.