Бозии даври 15-уми Премер-лигаи Англия байни "Вулверхэмптон Уондерерс" ва "Манчестер Юнайтед"  дар варзишгоҳи "Молиню"-и Вулверхэмптон  бо пирӯзии меҳмонон бо ҳисоби 4-1 анҷом ёфт.
Англия -  Премер-лига. Даври 15-ум
9 декабри соли 2025, сешанбе. 01:00 ДШБ
“Вулверхэмптон” (Вулверхэмптон) 1:4 “Манчестер Юнайтед” (Манчестер)
0:1 Фернандеш – 25' 1:1 Беллегард – 45+2' 1:2 Мбемо – 51' 1:3 Маунт – 62' 1:4 Фернандеш – 82'
Нимҳимоятгари меҳмонон Бруну Фернандеш дар дақиқаи 25-ум ҳисобро кушод. Дар фурсатҳои ахири нимаи аввал, дар дақиқаи 45+2, “Вулверхэмптон” ба шарофати голи нимҳимоятгар Жан-Рикнер Беллегард ҳисобро баробар кард. Дар нимаи дуюм бошад ҳамлагар Брайан Мбемо дар дақиқаи 51-ум ба “Манчестер Юнайтед” пешсафӣ овард ва голи Мейсон Маунт дар дақиқаи 62-юм бартарии "девони сурх"-ро дучанд кард. Фернандеш дар дақиқаи 82-ум аз пеналтӣ голи дуюми хешро ба самар расонида, пирӯзии дастаашро бо ҳисоби 4-1 таъмин намуд.
Пас аз 15 бозӣ "Манчестер Юнайтед" бо 25 имтиёз дар зинаи шашуми ҷадвали Премер-лигаи Англия дар ҷои шашум қарор дорад. "Вулверхэмптон Уондерерс" бо ду имтиёз дар ҷои охирин, дар ҷои 20-ум мебошад.
Дар даври оянда "Манчестер Юнайтед" рӯзи 15-уми декабр бо "Борнмут" ва "Вулверхэмптон Уондерерс" рӯзи 13-уми декабр бо "Арсенал" бозӣ хоҳад кард.