Бошгоҳи испании «Атлетико Мадрид» дар даври дуюми марҳилаи умумии Лигаи Чемпионҳо дастаи «Айнтрахт»-и Франкфуртро бо ҳисоби 5:1 шикаст дод. Бозӣ дар варзишгоҳи Сивитас Метрополитано бо ҳисоби 5:1 ба фоидаи мизбонон анҷом ёфт.
Лигаи чемпионҳо. Марҳилаи умумӣ. Даври 2-юм
Чоршанбе, 01 октябри соли 2025. 00:00 ДШБ
“Атлетико Мадрид” (Мадрид, Испания) 5:1 “Айнтрахт Франкфурт” (Франкфурти Майн, Олмон
1:0 Распадори – 4' 2:0 Ле Норманд – 33' 3:0 Гризманн – 45+1' 3:1 Буркардт – 57' 4:1 Симеоне – 70' 5:1 Алварес – 82'
Антуан Гризманн голи 200-уми худро дар ҳайати “Атлетико Мадрид” дар дақиқаи 45+1 ба самар расонид. Инчунин голҳоро Ҷакомо Распадори (4), Робин Ле Норманд (33), Ҷулиано Симеоне (70) ва Хулиан Алварес (82, пеналтӣ) заданд. Голи ягонаи «Айнтрахт»-ро Ҷонатан Буркардт (57) ба ҳадаф расонид.
Шогирдони Диего Симеоне аввалин ғалабаи худро дар Лигаи Чемпионҳо дар ин мавсим ба даст оварданд, дар ҳоле, ки Дино Топпмёллер бо “Айнтрахт” бо шикасти аввалини худ дучор шуд. Ҳарду даста се холӣ доранд.
Дар даври навбатии Лигаи Чемпионҳо “Атлетико” рӯзи 21-уми октябр дар меҳмонӣ бо “Арсенал” бозӣ мекунад. Рӯзи дигарӣ  “Айнтрахт” бо “Ливерпул” бозӣ мекунад.
Бозии ниҳоии Лигаи Чемпионҳо дар Пушкаш Аренаи шаҳри Будапешт рӯзи 30-юми майи соли 2026 баргузор мешавад.